اسلام آباد-01 جنوري (اي پي پي) ايران 13 جنوري تي فرانس، برطانيه ۽ جرمني سان سوئٽزرلينڊ ۾ ايٽمي معاملي تي ڳالهيون ڪندو. پرڏيهي خابرو اداري موجب مقامي ميڊيا اربع ڏينهن قانوني ۽ عالمي معاملن جي نائب پرڏيهي وزير ڪاظم غريب آبادي جي حوالي سان ٻڌايو ته ايران ۽ ٽن يورپي ملڪن وچ ۾ ڳالهين جو نئون دور 13 جنوري تي جنيوا ۾ ٿيندو. هن وڌيڪ چيو ته اها ڳالهه صرف مشاورتي هوندي، ڳالهيون نه، ٽن يورپي ملڪن 17 ڊسمبر تي ايران تي الزام لڳايو هو ته هن اعليٰ افزوده يورينيم جي پنهنجي ذخيرن کي ڪنهن اعتبار جوڳي سويلين جواز کانسواءِ غير معمولي سطح تائين وڌايو آهي.
