بيجنگ-15 نومبر (اي پي پي)گڏيل قومن جي عالمي سياحتي تنظيم (يو اين ٽوئرازم) چين جي 7 ڳوٺن کي بهترين سياحتي ڳوٺن جي اعزاز جو حقدار قرار ڏئي ڇڏيو. پرڏيهي خابرو اداري چين جي ثقافت ۽ سياحت جي وزارت جي حوالي سان ٻڌايو ته گڏيل قومن جي عالمي سياحتي اداري (ايو اين ٽوئرازم) هلندڙ سال جي چونڊن ۾ چين جي 7 ڳوٺن کي بهترين سياحتي ڳوٺن جو اعزاز ڏنو آهي. جمعي ڏينهن ڪولمبيا جي شهر ڪارٽيجينا ۾ منعقد گڏيل قومن جي سياحتي اجلاس ۾ اعلان ڪيو ويو ته بهترين سياحتي ڳوٺن ۾ نئين اضافي کانپوءِ چيني ڳوٺن جو انگ 15 ٿي ويو آهي، جنهن سان چين اهو ملڪ بڻجي ويو آهي جتي اهو اعزاز حاصل ڪندڙ ڳوٺن جي سڀني کان وڌيڪ تعداد آهي.
