ليبرويل-14 مارچ (اي پي پي)اوڀر آفريقي ملڪ گبون جا پنج شاگرد گبون سمنڊ ۾ ترندي ٻڏي فوت ٿي ويا. پرڏيهي خابرو اداري موجب گبون جي گادي واري شهر ليبرويل ۾ هاءِ اسڪول جا پنج شاگرد گرمي جي اثرن کان بچڻ لاءِ اسڪول سامهون سامونڊي ڪناري تي ويا هئا جيڪي سمنڊ ۾ ترڻ دوران ٻڏي فوت ٿي ويا آهن،ڪوسٽ گارڊ جو چوڻ آهي ته امدادي ڪارواين ذريعي پنجن شاگردن جا لاش هٿ ڪيا ويا آهن، عملدارن واقعي بابت وڌيڪ جاچ شروع ڪري ڇڏي آهي.
