ڪويت سٽي-16 فيبروري (اي پي پي)ڪويت جي امير شيخ مشعل الاحمد الجابر پارليمان ختم ڪرڻ جو حڪم جاري ڪيو آهي،ميڊيا رپورٽن موجب ڪويت جي امير پارليمان جي جارحاڻن بيانن کي ان فيصلي جو سبب قرار ڏنو آهي،ان کان اڳ 2022 کان 2023 ۾ پڻ پارليمان لاءِ ان قسم جا قدم کنيا ويا هئا.ڪويت جي مرحوم امير پارليمان ختم ڪري چونڊون ڪرايون ته جئين نئون پارليمان وجود ۾ اچي سگهي، 42 لک آبادي واري تيل پيدا ڪندڙ ڇهين وڏي ملڪ جي نئين امير ڪويت جي پارليمان برطرف ڪرڻ جا حڪم جاري ڪيا آهن،واضع رهي ته ڪويت آمريڪا جو اهم اتحادي آهي،ان تي صدام حسين جي عراقي فوج 1991 ۾ قبضو ڪرڻ جي ڪوشش ڪئي هئي.صدام جي ان ڪوشش کي آمريڪي مدد سان ناڪام بڻايو ويو ۽ عراقي فوج کي ڪويت مان ڪڍڻ لاءِ مجبور ڪيو ويو ان وقت کان وٺي هن وقت تائين ڪويت ۾ 13500 آمريڪي فوجي مقرر آهن.
