ڪينبرا- 30 جنوري (اي پي پي) آسٽريلوي رياست نيو سائوٿ ويلز جي سڊني هاربر تي گذريل 15 سالن ۾ پهرين شارڪ حملي ۾ هڪ عورت زخمي ٿي پئي آهي . فرانس جي خابرو اداري ايف پي مطابق نيو سائوٿ ويلز پوليس اڱاري ڏينهن تي هڪ بيان ۾ چيو ته شارڪ حملو گذريل شام تي ان وقت پيش آيو . جڏهن 29 سالن جي عورت تارو لورين اونيل سڊني اوپيرا هائوس کان 2 ڪلو ميٽر (1.2 ميل ) کان به گهٽ فاصلي تي واقع شهر ايلزبٿ ۾ سڊني هاربر جي ڪناري تي ترندي پري هلي وئي هئي ته ان دوران شارڪ مٿس حملو ڪيو جنهن سبب هوءَ شديد زخمي ٿي پئي جنهن تي عورت کي اسپتال منتقل ڪيو ويو آهي .
