اسلام آباد – 12 جولاءِ (اي پي پي) وزيراعظم محمد نواز شريف جمعي ڏينهن گورنر هائوس لاهور ۾ ڪابينا جو خصوصي اجلاس طلب ڪيو آهي جنهن ۾ والاريل ڪشمير ۾ تيزي سان خراب ٿيندڙ صورتحال جو جائزو ورتو ويندو. اجلاس ۾ والاريل ڪشمير ۾ ڪشميري اڳواڻ برهان واني جي بي رحماڻي قتل کانپوءِ والاريل ڪشمير جي خراب ٿيندڙ صورتحال ۽ بيگناهه شهرين جي خلاف ڀارتي سيڪيورٽي فورسز جي ظالماڻي ڪاررواين جو جائزو ورتو ويندو.
