مدينه منوره- 18 ڊسمبر (اي پي پي) سعودي عرب جي اختيارين چيو آهي ته مسجد نبوي ۾ هڪ هفتي دوران 51 لک کان وڌيڪ زائرين جي آمد ٿي جڏهن ته 15 هزار کان وڌيڪ بزرگن ۽ معذورن کي خاص سهولتون ڏنيون ويون. سعودي عرب جي خابرو اداري مسجد نبوي انتظاميا طرفان جاري ڪيل بيان جي حوالي سان ٻڌايو آهي ته گذريل هفتي دوران 51 لک 19 هزار زائرين جي مسجد نبوي ۾ آجيان ڪئي وئي. 15 هزار 295 بزرگن ۽ معذورن کي خاص سهولتون ڏنيون ويون.5 لک هڪ هزار 938 زائرين روضه رسول صلي الله عليه وآله وسلم تي حاضري ڀري جڏهن ته 2 لک 34 هزار 341 زائرين رياض الجنه ۾ نماز ادا ڪئي. انتظاميا جو چوڻ آهي ته مختلف ٻولين ۾ ترجمي جي سهولتن مان 87 هزار 446 زائرين لاڀ ماڻيو جڏهن ته مسجد نبوي جي لائبريري مان لاڀ کڻندڙ ن جو انگ 13 هزار 584 تائين رهيو. ان کان علاوه زائرين کي 42 هزار 125 تحفه ڏبا ويا جڏهن ته 8 هزار 638 فون سروسز ۽ ٻين مواصلاتي چينلز مان فائدو کنيو ويو. انتظاميا جو چوڻ آهي ته زائرين ۾ هڪ هفتي دوران هڪ لک 11 هزار 600 زمزم جون بوتلون ۽ 92 هزار 992 افتار پيڪيٽس ورهايا ويا.
