واشنگٽن -04 سيپٽمبر (اي پي پي) آمريڪا جي انصاف واري کاتي روس جا ضبط ٿيل پرڏيهي مٽاسٽا جي ناڻي جي ذخيرن مان هڪ ارب ڊالر يوڪرين لاءِ استعمال ۾ آڻڻ جو اشارو ڏنو آهي، آمريڪا جي ڊپٽي اٽارني جنرل ليزا مونا امريڪي ٽي وي چينل کي ڏنل انٽرويو ۾ ٻڌايو ته آمريڪا گذريل فيبروري کان هاڻي تائين دنيا جي مختلف ملڪن ۾ روس جا هڪ ارب ڊالرن جي برابر پرڏيهي مٽاسٽا جي ناڻي جا ذخيرا ضبط ڪيا آهن. هن چيو ته اسان آمريڪي ڪانگريس کان انهن فنڊن کي يوڪرين جي عوام جي بهتري لاءِ خرچ ڪرڻ جي اجازت گهري آهي. واضح رهي ته آمريڪا جن ملڪن ۾ روس جا پرڏيهي مٽاسٽا جي ناڻي جا ذخيرا ضبط ڪيا آهن انهن ۾ برطانيه، فرانس، جرمني ۽ اٽلي شامل آهن.
