اسلام آباد – 25 – نومبر (اي پي پي) وزيراعظم عمران خان سان گلگت بلتستان جي وڏي وزير خالد خورشيد ملاقات ڪئي. وزيراعظم ميڊيا آفيس مان جاري بيان موجب ملاقات ۾ صوبي ۾ جاري ترقياتي ڪمن جي حوالي سان تفصيلي ڳالهه ٻولهه ڪئي وئي. ملاقات ۾ وزيراعظم کي ٻڌايو ويو ته گلگت بلتستان جي سياحتي ماڳن تي عالمي معيار جي سهولتن جي فراهمي تي ڪم تيزي سان جاري آهي، ملاقات ۾ ديامرڀاشا ڊيم جي تعمير سبب متاثر ٿيندڙ ماڻهن جي مسئلن ۽ پاور پاليسي تي به ڳالهه ٻولهه ڪئي وئي.
