اسلام آباد– 28 فيبروري (اي پي پي) سمجهوته ايڪسپريس کي عارضي بنيادن تي معطل ڪيو ويو آهي. پرڏيهي وزارت طرفان جاري بيان مطابق چيو ويو آهي ته پاڪستان ۽ هندستان جي هاڻوڪي ڇِڪتاڻ جي روشنيءَ ۾ سمجهوته ايڪسپريس جو آپريشن معطل ڪيو ويو آهي. بيان مطابق پاڪستان ۽ هندستان جي وچ ۾ ڇِڪتاڻ گهٽائڻ ۽ امن واري صورتحال جي بهتريءَ تي فوري طور سمجهوته ايڪسپريس کي بحال ڪيو ويندو. واضح رهي ته سمجهوته ايڪسپريس هفتي ۾ ٻه ڀيرا واگهه بارڊر ذريعي پاڪستان کان هندستان جي شهرن اٽاري ۽ نئين دهليءَ وچ ۾ اربع ۽ آچر تي هلائي ويندي آهي.
