اسلام آباد – 17 فيبروري (اي پي پي) وزيراعظم عمران خان سعودي ولي عهد شهزاده محمد بن سلمان جي پاڪستان جي دوري کي ٻنهي ملڪن جي وچ ۾ گهرن لاڳاپن جو مظهر قرار ڏيندي چيو آهي ته ان دوري سان ٻنهي ڀائر ملڪن جي وچ ۾ سگهارن اقتصادي لاڳاپن جو هڪ نئون دور شروع ٿيندو، سعودي عرب پاران پاڪستان جي ناڻي ۾ 3 ارب ڊالر جي وڏي رقم رکڻ ۽ موخر ادائيگي تي تيل جي فراهمي سان پاڪستان کي مضبوط ۽ خوشحال ڏسڻ جي خواهش جي عڪاسي ٿئي ٿي، ٻنهي ملڪن جي وچ ۾ اقتصادي لاڳاپن جو دائرو وسيع ٿيندو ۽ سيڙپڪاري جا وڌيڪ موقعا پيدا ٿيندا جنهن سان ٻنهي ملڪن جي وچ ۾ گڏيل اعتماد ۽ مستحڪم تاريخي لاڳاپا وڌيڪ مضبوط ٿيندا. وزيراعظم اهڙن خيالن جو اظهار سعودي گزٽ ۾ شايع ٿيل هڪ انٽرويو ۾ ڪيو.
