اسلام آباد – 13 فيبروري (اي پي پي) وزيراعظم عمران خان شهرين جي مسئلن ۽ شڪايتن جي فوري حل جي لاءِ وزيراعظم آفيس ۾ فعال پاڪستان سٽيزن پورٽل جي شاندار ڪاميابي تي اطمينان جو اظهار ڪيو آهي. پنهنجي ٽوئيٽ ۾ وزيراعظم چيو ته مسئلن جي حل لاءِ عوام سان سڌي سنئين رابطي جي بندوبست وزيراعظم آفيس ۾ قائم منهنجي ”شڪايت سيل“ جي زبردست ڪاميابي جي راهه هموار ڪئي آهي، واضح رهي ته ورلڊ گورنمينٽ سمٽ دبئي جي تازي موبائل ايپليڪيشنز جي مقابلي ۾ پاڪستان سٽيزن پورٽل کي دنيا ۾ ٻي بهترين گورنمينٽ موبائيل ايپ جو درجو ڏنو ويو آهي.
