اسلام آباد – 07 فيبروري (اي پي پي) صدر ڊاڪٽر عارف علوي چيو آهي ته آزاد ميڊيا ترقي يافته معاشرن جو وڏو قيمتي اثاثو آهي، آزادي سان گڏوگڏ ميڊيا جو ذميدار هجڻ به انتهائي ضروري آهي، ذاتي پسند ۽ ناپسند فطري عمل آهي ان کي صحافت ۾ جهلڪڻ نه گهرجي. اهڙن خيالن جو اظهار هن آل پاڪستان نيوز پيپرز اينڊ ايڊيٽرز فورم (اي پي اين اي ايف) ۽ پاڪستان جرنلسٽ فورم (پي جي ايف) جي وفد سان ملاقات ۾ ڪيو. صدر چيو ته ڪو به حڪومتي نظام خراب ناهي پر شرط اهو آهي ته گورننس کي موثر ۽ شفاف هجڻ گهرجي.
