اسلام آباد – 26 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته ڪراچي ۾ چين جي قونصليٽ تي حملي ۾ ٻاهريون طاقتون ملوث آهن، اسان کي خبر آهي ته حملو ڪنهن ڪيو ۽ حملي جي پويان ڪير آهي، اهو پوري دنيا ڄاڻي ٿي، دنيا اهو به ڄاڻي ٿي ته پاڪستان امن جي طرف هٿ وڌايو ۽ ڪير امن نٿو چاهي، پاڪ چين لاڳاپا تمام گهرا آهن ۽ اهڙن واقعن سان اثر نه پوندو، پاڪستان جي فوج ۽ قانون لاڳو ڪندڙ ادارا امن لاءِ قربانيون ڏيندا، پاڪستان جي ڌيءَ اي ايس پي، پوليس ۽ سيڪيورٽي گارڊز جهڙي طرح سان چيني قونصليٽ جي حفاظت ڪئي واکاڻ جوڳي آهي. هو چيني ڪميونٽي طرفان شهيد پوليس اهلڪارن جي وارثن لاءِ شروع ڪيل فنڊ ريزنگ تقريب کي خطاب ڪري رهيو هو.
