اسلام آباد – 25 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستان تحريڪ انصاف جي حڪومت ادا ٿيڻ جوڳين ٻاهرين ادائيگين سميت قومي معيشت جي فروغ لاءِ ڪاميابي سان انتظام ڪري رهي آهي، هن چيو ته وزيراعظم عمران خان جا غير ملڪي دورا انتهائي ڪامياب رهيا جنهن سان معيشيت کي وڌيڪ مستحڪم بڻائڻ ۾ مدد ملندي، هن چيو ته سڀني ادارن سميت ميڊيا کي اسٽريٽجڪ ري ٿنڪنگ جي ضرورت آهي هن چيو ته حڪومت سڀني اهم ادارن کي منظم ڪرڻ جي لاءِ ڪوشش ڪري رهي آهي، سياست ۾ ڪا ڳالهه حتمي ناهي هوندي ۽ هر گذرندڙ وقت سان گڏ ۽ صورتحال موجب حڪومت پنهنجي فيصلن تي نظرثاني ڪندي آهي.
