شنگهائي – 05 نومبر (اي پي پي) وزيراعظم عمران خان چيو آهي ته پاڪستان ترقي ۽ خوشحالي جي منزل حاصل ڪرڻ جي لاءِ چين جي تجربن مان تمام گهڻو ڪجهه سکي سگهي ٿو، چين گذريل ڏهاڪن ۾ جيڪا ترقي ڪئي آهي ان جو مثال نه ٿو ملي، چين ڊگهي مدي واري منصوبابندي تي عمل ڪيو ڇو ته ڊگهي مدي واري مصوبابندي جو ڪو به متبادل نه آهي، چيمپيئن رسڪ کڻڻ وارو ئي بڻجي ٿو. چين جي صنعتي شهر شنگهائي ۾ سيڙپڪاري ڪانفرنس کي خطاب ڪندي وزيراعظم گذريل ڏهاڪن ۾ چين جي بي مثال ڪاميابين کي اجاگر ڪندي چيو ته اسان کي اهو دور ياد آهي جڏهن چين هڪ بند معاشرو هو ۽ آمريڪا چين سان رابطن جي لاءِ قدم کڻي رهيو هو.
