اسلام آباد – پهرين آڪٽوبر (اي پي پي) صدر ڊاڪٽر عارف علوي عوام کي ڊيمز فنڊ ۾ وڌي چڙهي حصو وجهڻ جي اپيل ڪندي چيو آهي ته پاڻي ذخيرن ۾ اضافو ۽ پاڻي کي محفوظ بڻائڻ تي خاص ڌيان ڏيڻ جي ضرورت آهي، زرعي شعبي ۽ شهري آبادي پاڻي جي استعمال ۾ احتياط ڪن. هن اها ڳالهه جاري وڊيو پيغام ۾ چئي. صدر پنهنجي پيغام ۾ چيو ته هو قوم جو ڌيان ان ڳالهه طرف ڇڪرائڻ چاهي ٿو ته پاڪستان جي ماحول تي گلوبل وارمنگ جا خراب اثر پئجي رهيا آهن، گليشيئر پگهڙڻ سان پاڻي ذخيرا متاثر ٿيندا ۽ پاڻي جي کوٽ جو امڪان آهي.
