پشاور – 28 سيپٽمبر (اي پي پي) وزيراعظم عمران خان چيو آهي ته عوامي خدمت جي نتيجي ۾ خيبرپختونخوا صوبي ۾ ٻيهر حڪومت اچڻ کانپوءِ عوام جون اميدون وڌيڪ وڌي ويون آهن جنهن جي لاءِ سمورن وزيرن کي محنت ڪرڻي پوندي، پشاور بي آر ٽي ۽ سوات موٽر وي بروقت مڪمل ڪيو وڃي، هن اها ڳالهه خيبرپختونخوا جي صوبائي ڪابينا جي ميمبرن سان ملاقات دوران چئي. هو جمعي ڏينهن پشاور جي هڪ ڏينهن جي دوري تي هتي پهتو هو، وزارت عظميٰ جو عهدو سنڀالڻ کانپوءِ وزيراعظم جو پشاور جو اهو پهريون دورو هو، صوبائي ڪابينا جي ميمبرن سان ملاقات ۾ خيبرپختونخوا جو گورنر شاهه فرمان ۽ وڏو وزير محمود خان به موجود هئا.
