اسلام آباد – 28 سيپٽمبر (اي پي پي) پاور ڊويزن جي وفاقي وزير عمر ايوب خان چيو آهي ته اڳوڻي حڪومت جا بجيٽ انگ اکر حقيقت تي ٻڌل ناهن، اهو ئي سبب آهي جو ان جو نقصان عوام ڀوڳي رهي آهي، پاڪستان تحريڪ انصاف ۽ اتحادي پارٽين جي حڪومت جا سڀئي فيصلا حقيقتن تي ٻڌل هوندا، بجلي جو انفرااسٽرڪچر بهتر بڻائڻ اسان جي پهرين ترجيح آهي، پورهيتن جي مفادن جو هر ممڪن تحفظ ڪيو ويندو ۽ ڪرپشن کي ڪنهن به قيمت تي برداشت نه ڪنداسين، قومي اسيمبلي ۾ پاور ڊويزن جي وزير عمر ايوب ضمني مالياتي بل تي خيالن جو اظهار ڪندي چيو ته پاڪستان تحريڪ انصاف مان عوام جي اميدن اسان کي هن ايوان تائين پهچايو.
