اسلام آباد – 18 سيپٽمبر (اي پي پي) وزيراعظم عمران خان چيو آهي ته ڪيترن ئي نسلن کان ڪراچي ۾ رهندڙ بنگلاديشي مهاجرن جو معاملو انساني حقن جو مسئلو آهي اسان کي ان حوالي سان فيصلو ڪرڻو پوندو، ان لاءِ سڀني ڌرين سان مشاورت ڪنداسين. قومي اسيمبلي ۾ اختر مينگل پاران اعتراض واري نقطي تي وزيراعظم جي ڪراچي جي دوري جي موقعي تي بنگلاديشي مهاجرن کي شهريت ڏيڻ جي حوالي سان بيان جو معاملو کنيو ويو جنهن جي جواب ۾ وزيراعظم عمران خان چيو ته 1951ع جي قانون موجب جيڪي ٻار پاڪستان۾ پيدا ٿيندا آهن انهن جو حق آهي ته انهن کي هتان جي شهريت ڏني وڃي.
