اسلام آباد – 05 سيپٽمبر (اي پي پي) وزيراعظم عمران خان چيو آهي ته تاثرسازي ۽ ملڪ جي حقيقي تشخص کي اجاگر ڪرڻ ۾ اطلاعات ۽ نشريات واري وزارت جو اهم ڪردار آهي. هن اها ڳالهه اطلاعات ۽ نشريات واري وزارت بابت اجلاس جي صدارت ڪندي چئي جنهن ۾ اطلاعات ۽ نشريات وارو وفاقي وزير چوڌري فواد حسين، وزيراعظم جو خصوصي معاون افتخار دراني، وزيراعظم جو خصوصي معاون نعيم الحق، وزيراعظم جو سيڪريٽري محمد اعظم خان، اطلاعات ۽ نشريات وارو سيڪريٽري/ پي ٽي وي جو ايم ڊي سردار احمد نواز سکيرا ۽ سينيئر عملدار پڻ اجلاس ۾ موجود هئا.
