اسلام آباد – 06 نومبر (اي پي پي) گڏيل قومن ۾ مستقل نمائندي مليحه لوڌي گڏيل قومن کان مطالبو ڪيو آهي ته هو ڪشمير ۾ حقيقتون ڄاڻڻ لاءِ خصوصي مشن موڪلي. هن چيو ته ڀارت پاران اهڙي قسم جي خصوصي مشن کي اتي وڃڻ جي اجازت نه ڏيڻ سان حقيقت ۾ ڀارت والاريل فوج پاران ڪيل ظلمن کي تسليم ڪري رهيو آهي. نيويارڪ مان ملندڙ پيغام موجب گڏيل قومن جي انساني حقن جي هاءِ ڪمشنر زيد راعدالحسين سان ملاقات دوران ڳالهائيندي هن چيو ته انساني حقن جي ڪميشن کي سڄي دنيا ۾ بنيادي حقن ۽ انساني حقن جي فراهمي جي لاءِ قائداڻو ڪردار ادا ڪرڻ گهرجي.
