نائب وزيراعظم ۽ پرڏيهي وزير سينيٽر محمد اسحاق ڊار گڏيل قومن جي جنرل اسيمبلي جي 81هين اجلاس ۾ شرڪت ڪرڻ کان پوءِ اسلام آباد واپس پهچي ويو

اسلام آباد- 29 سيپٽمبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار گڏيل قومن جي جنرل اسيمبلي جي 81هين اجلاس ۾ شرڪت ڪرڻ کان پوءِ پي آءِ اي جي اڏام ذريعي اسلام آباد واپس پهچي ويو. پرڏيهي آفيس جي ترجمان پاران جاري ڪيل بيان موجب، دوري دوران، نائب وزيراعظم ۽ پرڏيهي وزير وزيراعظم سان گڏ اعليٰ سطحي اجلاسن ۽ ملاقاتن ۾ شرڪت ڪئي. هن مختلف ملڪن جي هم منصبن سان به ملاقاتون ڪيون. هن گڏيل قومن ۽ او آءِ سي جي اجلاسن ۾ شرڪت ڪئي ۽ اي سي او ڪائونسل آف منسٽرز جي 27هين غير رسمي اجلاس جي صدارت ڪئي. نائب وزيراعظم مصنوعي ذهانت ۽ وبائي مرضن کي منهن ڏيڻ جي تياري بابت اعليٰ سطحي اجلاسن کي به خطاب ڪيو. نائب وزيراعظم ۽ پرڏيهي وزير فلسطين ۽ ڄمون ۽ ڪشمير جي باري ۾ پاڪستان جي اصولي موقف کي ورجايو. هن علائقائي امن ۽ استحڪام جي فروغ لاءِ لاءِ ڳالهين ۽ سفارتڪاري کي برقرار رکڻ جي اهميت تي پڻ زور ڏنو.