اسلام آباد - 28 آگسٽ (اي پي پي) قومي اسيمبلي پاڪستان انسٽيٽيوٽ آف ميڊيڪل سائنسز (پمز) ۾ باهه لڳڻ جي افسوسناڪ واقعي ۾ معصوم نئين ڄاول ٻارن جي قيمتي جانين جي زيان تي گهري ڏک ۽ افسوس جو اظهار ڪندي قرارداد متفقه طور تي منظور ڪري ورتي آهي، قرارداد ۾ افسوسناڪ واقعي جي شديد مذمت ڪندي قيمتي انساني جانين جي زيان جي سببن ۽ حالتن تي گهري ڳڻتي جو اظهار …
قومي اسيمبلي پاران پمز ۾ باهه لڳڻ جي واقعي ۾ معصوم نئين ڄاول ٻارن جي جانين جي زيان تي افسوس جي اظهار واري قرارداد متفقه طور تي منظور
مزید خبریں
اسلام آباد – 28 آگسٽ (اي پي پي) قومي اسيمبلي پاڪستان انسٽيٽيوٽ آف ميڊيڪل سائنسز (پمز) ۾ باهه لڳڻ جي افسوسناڪ واقعي ۾ معصوم نئين ڄاول ٻارن جي قيمتي جانين جي زيان تي گهري ڏک ۽ افسوس جو اظهار ڪندي قرارداد متفقه طور تي منظور ڪري ورتي آهي، قرارداد ۾ افسوسناڪ واقعي جي شديد مذمت ڪندي قيمتي انساني جانين جي زيان جي سببن ۽ حالتن تي گهري ڳڻتي جو اظهار ڪيو ويو. اها قرارداد جمعي ڏينهن قومي اسيمبلي جي اجلاس دوران قومي اسيمبلي ميمبر، اطلاعات ۽ نشريات واري وفاقي پارلياماني سيڪريٽري ۽ ٻارن جي حقن بابت پارلياماني ڪاڪس جي وفاقي رابطه ڪار بئريسٽر دانيال چوڌري پيش ڪئي. ايوان قرار ڏنو ته جيڪڏهن ان افسوسناڪ واقعي ۾ ڪنهن به قسم جي ڪوتاهي يا حفاظتي قدمن ۾ ڪوتاهي ثابت ٿئي ٿي ته اهو انتهائي سنگين معاملو آهي. ايوان حڪومت کان مطالبو ڪيو ته واقعي جي ذميوارن جي خلاف قانون موجب سخت ڪارروائي عمل ۾ آندي وڃي. قرارداد ۾ وڌيڪ مطالبو ڪيو ويو ته حڪومت واقعي بابت سموريون حقيقتون سامهون آڻي، ڪنهن به ڪوتاهي يا حفاظتي قدمن ۾ ڪوتاهي جي ذميوارن جو تعين ڪري ۽ ذميوار ماڻهن جي خلاف قانوني ڪارروائي عمل ۾ آڻي. ايوان زور ڏنو ته جتي غفلت يا مقرره حفاظتي تدبيرن تي عملدرآمد نه ٿيڻ جي ڪري معصوم جانين جو زيان ٿيو هجي، اتي ذميوارن جو احتساب يقيني بڻايو وڃي. ايوان حڪومت کان اهو به مطالبو ڪيو ته وفاقي حڪومت جي انتظام هيٺ اسپتالن خاص طور تي نئين ڄاول ٻارن جي يونٽس ۾ فائر سيفٽي ۽ پروٽڪوڪولز ۽ هنگامي صورتحال کي منهن ڏيڻ جي لاءِ موثر انتظامن تي سختي سان عملدرآمد يقيني بڻايو وڃي ته جيئن حفاظتي انتظامن کي وڌيڪ موثر بڻائي سگهجي ۽ مستقبل ۾ اهڙن افسوسناڪ واقعن جي روڪٿام ممڪن ٿئي. ايوان فوت ٿيندڙ نئين ڄاول ٻارن جي پونئيرن سان دلي همدرديءَ ۽ تعزيت جو اظهار ڪندي دعا ڪئي ته الله تعالى انهن کي اهو ناقابل تلافي نقصان برداشت ڪرڻ جي لاءِ صبر ۽ حوصلو عطا فرمائي.
