اسلام آباد - 13 جنوري (اي پي پي) پرڏيهي وزارت عام دستاويزن جي تصديق جي لاءِ هڪ نئين موبائيل ايپليڪيشن متعارف ڪرائڻ جو منصوبو ٺاهي رهي آهي. ويلٿ پاڪستان وٽ دستياب هڪ دستاويز موجب اهو قدم پرڏيهي وزارت جي وسيع تر ڪوششن جو حصو آهي، جنهن جو مقصد پنهنجي نظام کي جديد ۽ ڊيجيٽل بڻائڻ آهي ته جيئن عوام جي لاءِ خدمتن کي وڌيڪ پهچ جوڳو ۽ آسان بڻائي سگهجي، …
پرڏيهي وزارت پاران دستاويزن جي تصديق جي لاءِ نئين موبائيل ايپ متعارف ڪرائڻ جو منصوبو
مزید خبریں
اسلام آباد – 13 جنوري (اي پي پي) پرڏيهي وزارت عام دستاويزن جي تصديق جي لاءِ هڪ نئين موبائيل ايپليڪيشن متعارف ڪرائڻ جو منصوبو ٺاهي رهي آهي. ويلٿ پاڪستان وٽ دستياب هڪ دستاويز موجب اهو قدم پرڏيهي وزارت جي وسيع تر ڪوششن جو حصو آهي، جنهن جو مقصد پنهنجي نظام کي جديد ۽ ڊيجيٽل بڻائڻ آهي ته جيئن عوام جي لاءِ خدمتن کي وڌيڪ پهچ جوڳو ۽ آسان بڻائي سگهجي، اها ايپ ان انداز ۾ تيار ڪئي پئي وڃي ته انساني مداخلت گهٽ کان گهٽ ٿئي ۽ دستاويزن جي تصديق جي عمل جي ريئل ٽائيم نگراني ممڪن ٿي سگهي. ايپ جي ذريعي نه رڳو درخواستن جي سڌوسنئون نگراني جي سهولت فراهم ڪئي ويندي پر صارفين گهٽ کان گهٽ انساني شموليت سان وزارت جي خدمتن مان فائدو پڻ کڻي سگهندا. ان سان وزارت جي آفيسن جي بار بار جسماني دورن جي ضرورت نمايان طور تي گهٽ ٿي ويندي ۽ درخواست جي عمل ۾ آساني پيدا ٿيندي جنهن سان صارف دوست تجربو يقيني بڻائي سگهبو. اهو قدم مختلف سرڪاري ادارن ۽ ڊيٽا بيسز جي انضمام جي وسيع تر ويزن جو حصو آهي جنهن ۾ هايئر ايجوڪيشن ڪميشن، انٽر بورڊ ڪميٽي آف چيئرمين، نيشنل ڊيٽا بيس اينڊ رجسٽريشن اٿارٽي (نادرا) ۽ صوبائي ڊيٽا بيسز شامل آهن ته جيئن هڪ ٺوس ۽ موثر نظام جوڙي سگهجي. وڌيڪ اهو ته پرڏيهي وزارت پنهنجي عمارت ۾ هڪ نئون قونصلر هال تعمير ڪرڻ جو پڻ منصوبو رکي ٿي ته جيئن خدمتن جي وڌندڙ طلب کي پورو ڪري سگهجي. وزارت معتبر سروس فراهم ڪندڙن سان حصيداري جي ذريعي مڪمل ڊيجيٽلائيزيشن جي لاءِ ون ونڊو حل تي پڻ ڪم ڪري رهي آهي ته جيئن عوام سموريون ضروري خدمتون هڪ ئي جڳهه تان حاصل ڪري سگهي. جنرل اٽيسٽيشن جي عمل جي ڊيجيٽلائيزيشن، اپوسٽائل اٽيسٽيشن جي ڪامياب مثال کي نظر ۾ رکندي ڪئي ويندي جنهن سان دستاويزن جي تصديق جو عمل جديد ٿيندو ۽ آن لائين پهچ وڌيڪ آسان ٿي ويندي. نئين ڊيجيٽل حڪمت عملي جو هڪ اهم رخ آسان خدمت مرڪزن سان خدمتن جو انضمام به آهي جنهن جي ذريعي مقامي سطح تي سرڪاري خدمتن جي فراهمي ممڪن ٿيندي ۽ سڄي ملڪ جي شهرين جي لاءِ پهچ بهتر بڻائي سگهبي. ويلٿ پاڪستان سان ڳالهائيندي پرڏيهي وزارت جي سيڪريٽري آمنه بلوچ چيو ته ان تبديلي جو مقصد هڪ وڌيڪ موثر، شفاف ۽ صارف مرڪوز پرڏيهي وزارت جوڙڻ آهي جيڪا ان مستقبل جو بنياد رکندي جتي عوامي خدمت رڳو هڪ بٽڻ دٻائڻ تي دستياب هوندي.
