نائب وزيراعظم ۽ پرڏيهي وزير اسحاق ڊار جي ترڪيه جي پرڏيهي وزير هاڪان فيدان سان ٽيليفونڪ ڳالهه ٻولهه

اسلام آباد – 08 جنوري (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ترڪيه جي پرڏيهي وزير هاڪان فيدان سان ٽيليفونڪ ڳالهه ٻولهه ڪئي. پرڏيهي آفيس پاران جاري بيان موجب ٻنهي وزيرن جاري ٻطرفي رابطن تي خيالن جي ڏي وٺ ڪئي ۽ اڀرندڙ عالمي صورتحال جو جائزو ورتو. هن 10 جنوري 2026ع تي جده ۾ منعقد ٿيندڙ اسلامي تعاون تنظيم (او آءِ سي) جي پرڏيهي وزيرن واري ڪائونسل جي غيرمعمولي اجلاس منعقد ڪرڻ جي پڻ آجيان ڪئي.