گڏيل قومون – 29 آگسٽ (اي پي پي) روس چيو آھي ته ايران تي يورپي پابنديون عالمي سھڪار کي نقصان پھچائينديون. گڏيل قومن ۾ روس جي وقتي مستقل نمائندي دمتري پوليانسڪي خبردار ڪيو آھي ته برطانيا، جرمني ۽ فرانس (يورپي ٽن ملڪن) طرفان ايران تي ٻيھر پابنديون لاڳو ڪرڻ جي فيصلي سان نه رڳو ايران جي ايٽمي پروگرام سان لاڳاپيل عالمي ماحول متاثر ٿيندو پر ان شعبي ۾ عالمي سھڪاري به مشڪلاتن جو شڪار ٿيندو. گڏيل قومن جي ھيڊڪوارٽر ۾ صحافين سان ڳالھائيندي پوليانسڪي چيو ته اھو فيصلو ايراني ايٽمي پروگرام سان لاڳاپيل فضا کي متاثر ڪندو ۽ ان حوالي سان عالمي سھڪار کي وڌيڪ ڏکيو بڻائيندو. ھن ان فيصلي تي مايوسي جو اظھار ڪندي چيو ته اسان اھو سمجھيو ھو ته اسان سنجيده ماڻھن سان معاملو ڪري رھيا آھيون جن جا عزم به سنجيده آھن، پر ايئن لڳي ٿو ته اسان ڪجھه بدمعاشن کي منھن ڏئي رھيا آھيون. پوليانسڪي ٻيھر پابنديون لاڳو ڪرڻ کي غيرقانوني قرار ڏيندي چيو ته ان جو ڪو قانوني جواز موجود ناھي.
