واشنگٽن-28 آگسٽ (اي پي پي) آمريڪا ۾ ڪچي تيل جي ذخيرن ۾ 24 لک بيرل جي گهٽتائي رڪارڊ ڪئي وئي آهي. پرڏيهي ميڊيا مطابق آمريڪي توانائي انفارميشن ايڊمنسٽريشن اعلان ڪيو آهي ته گذريل هفتي آمريڪا ۾ ڪچي تيل جا ذخيرا توقع کان ڪجهه وڌيڪ گهٽ ٿيا آهن. اي آءِ اي مطابق 22 آگسٽ تي ختم ٿيل هفتي ۾ ڪچي تيل جي ذخيرن ۾ 24 لک بيرل گهٽتائي ٿي جڏهن ته ان کان گذريل هفتي ۾ 60 لک بيرل جي گهٽتائي رڪارڊ ڪئي وئي هئي. رپورٽ مطابق ماهرن ڪچي تيل جا ذخيرا هاڻي 418.3 ملين بيرل تي اچي ويا آهن. اي آءِ اي وڌيڪ ٻڌايو ته گذريل هفتي گيسولين (پيٽرول) جي ذخيرن ۾ 12 لک بيرل جي گهٽتائي ٿي جنهن سان اهي پنج سالن جي برابر ٿي ويا آهن.
