گڏيل قومون- 20 نومبر (اي پي پي) پاڪستان گڏيل قومن جي سلامتي ڪائونسل کي وڌيڪ موثر، نمائنده ۽ جوابده بنائڻ لاءِ وڌيڪ غير مستقل سيٽون شامل ڪرڻ جي پنهنجي مطالبي جي توثيق ڪئي آهي. گڏيل قومن ۾ پاڪستان جي مستقل نمائندي منير اڪرم گذريل ڏينهن ڪيٽيگري آف ميمبرشپ اينڊ ڪراس ريجنل ريپريزنٽيشن تي بحث ۾ حصو وٺندي نمائندن کي چيو آهي ته گڏيل قومن جي سلامتي ڪائونسل ۾ نون مستقل ميمبرن جي مخالفت ڪندڙ گروپ يونائيٽيڊ فار ڪنسينسس (يو ايف سي) بدستور ان ڳالهه تي يقين رکي ٿو ته سندس سلامتي ڪائونسل جي ميمبرشپ کي 26 کان 27 تائين وڌائڻ جي تجويز، جنهن ۾ 11 يا 12 نوان غير مستقل ميمبر شامل ڪيا وڃن، سلامتي ڪائونسل ۾ سڌارن لاءِ بهترين بنياد فراهم ڪري ٿي. هن چيو ته يو ايف سي صرف غير مستقل ميمبرن کي شامل ڪرڻ جي تجويز، جيڪا جنرل اسيمبلي ذريعي چونڊبا آهن چارٽر جي ان نسخي سان جمهوري ۽ هم آهنگ سان سلامتي ڪائونسل پوري ميمبرشپ طرفان ڪم ڪندي آهي. هن چيو ته غير مستقل ميمبرن ۾ واڌ سان هڪجهڙي علائقائي نمائندگي ٿيندي جيڪا ڪائونسل جي سڌارن واري عمل جو اهم مقصد آهي. جي 4 ملڪ ڀارت، برازيل، جرمني ۽ جاپان سلامتي ڪائونسل ۾ مستقل سيٽن ۾ اضافو چاهين ٿا. ٻي طرف اٽلي ۽ پاڪستان جي قيادت ۾ قائم گروپ يونائيٽنگ فار ڪنسينس (يو ايف سي) اضافي مستقل ميمبرن جي مخالفت ڪري ٿو. 15 رڪني سلامتي ڪائونسل هن وقت پنج مستقل ميمبرن تي ٻڌل آهي جن ۾ برطانيه، چين، فرانس، روس ۽ آمريڪا شامل آهن ۽ 10 غير مستقل ميمبر ٻن سالن لاءِ چونڊيا ويندا آهن. پاڪستاني نمائندي چيو ته غير مستقل ميمبر سلامتي ڪائونسل جي ذميوارين کي پورو ڪرڻ ۾ اڳڀرائي آهي، هن چيو ته جيڪڏهن سلامتي ڪائونسل ۾ 6 اضافي مستقل ميمبرن کي شامل ڪيو ويندو آهي ته اهي گڏيل قومن جي باقي 182 ميمبر ملڪن جي نمائندگي جي امڪانن کي گهٽ ڪري ڇڏيندو. جنهن سان برابر علائقائي نمائندگي کي نقصان پهچندو. هن چيو ته حقيقت ۾ نئين انفرادي مستقل ميمبر سلامتي ڪائونسل ۾ گيم آف ٿرونس کي سگهه ڏيندا ۽ ان جي مفلوج ۽ غير فعال هجڻ جي امڪانن کي تيز ڪندا. هن چيو ته علائقائي نمائندگي جي حوالي سان سندس تجويز متاثر علائقن جي ازالي ۾ مددگار ثابت ٿي سگهي ٿي، جنهن سان هو ڪائونسل ۾ پنهنجي نامزدگي جي طريقن جو تعين ڪري سگهندا، هن چيو ته يو ايف سي جو فريم ورڪ ڪراس ريجنل گروپس جهڙوڪ عرب ملڪن ۽ او آءِ سي گروپس ۽ ننڍن جزيرن جي اسرندڙ ملڪن (ايس آءِ ڊي ايس) جي مناسب نمائندگي کي به ايڊجسٽ ڪري سگهي ٿو.
