انقره- 20 نومبر (اي پي پي) ترڪي جي صدر رجب طيب اردگان چيو آهي ته هن اسرائيلي صدر کي آذربائيجان ۾ منعقد ڪلائميٽ ايڪشن سربراهي اجلاس ۾ شرڪت لاءِ پنهنجون هوائي حدون استعمال ڪرڻ جي اجازت نه ڏني. ميڊيا رپورٽن موجب صدر رجب طيب اردگان برازيل ۾ جي 20 سمٽ دوران صحافين سان ڳالهائيندي چيو ته اسان اسرائيلي صدر کي ڪوپ سربراهه اجلاس ۾ شرڪت لاءِ پنهنجون هوائي حدون استعمال ڪرڻ جي اجازت نه ڏني. اسان متبادل رستا تجويز ڪيا. واضع رهي ته اسرائيل جي صدر اساق هرگوز پنهنجو آذربائيجان جو دورو ملتوي ڪيو هو. اسرائيلي صدارتي ايوان پنهنجي هڪ بيان ۾ چيو آهي صورتحال جي جائزي ۽ سيڪيورٽي سببن جي ڪري صدر آذربائيجان ۾ ڪلائيمٽ ڪانفرنس لاءِ پنهنجو دورو ملتوي ڪرڻ جو فيصلو ڪيو آهي.
