برلن-09 مئي (اي پي پي)جرمني جي سياسي پارٽي ڊاءِ لنڪ حڪومت کان مطالبو ڪيو آهي ته جرمن عوام ۾ تمام گهڻو مشهور ترڪيه جي ڊونر ڪباب جو اگهه گهٽايو وڃي، ميڊيا رپورٽن موجب ڊاءِ لنڪ پارٽي عام ماڻهن جي پسند کي نظر ۾ رکندي ڊونر ڪباب جو روزاني واچر فراهم ڪرڻ جي تجويز پيش ڪئي آهي، پارٽي پاران ڊونر ڪباب جو اگهه مقرر ڪرڻ جي حوالي سان چيو آهي ته عام قيمت 4.90 يورو ۽ نوجوانن لاءِ 2.90 يورو تائين محدود هجڻ گهرجي.واضع رهي ته ڪباب جو اگهه مقرر ڪرڻ واري اسڪيم لا ڳو ڪرڻ تي حڪومت کي اٽڪل 4 ارب يورو خرچ ڪرڻا پوندا. ٻئي عالمي جنگ کان پوءِ جرمني ۾ رهائش اختيار ڪندڙ ترڪ پنهاگيرن ڊونر ڪباب متعارف ڪرايا جيڪي هاڻي علائقائي ذائقي مطابق تيار ڪيا ويندا آهن.
