گڏيل قومون _ 2 مئي (اي پي پي ) پاڪستان گڏيل قومن جي جنرل اسيمبلي کان مطالبو ڪيو آهي ته هو سلامتي ڪائونسل تي دٻاءِ وجهي ته هو فلسطين عوام سان ٿيندڙ تاريخي نا انصافين جو ازالو ڪرڻ لاءِ گڏيل قومن جي مڪمل رڪنيت لاءِ فلسطين جي درخواست تي نظر ثاني ۽ سفارش ڪري . گڏيل قومن ۾ پاڪستان جي سفير منير اڪرم هڪ ملاقات ۾ چيو ته گڏيل قومن جي مڪمل رڪن جي طورتي رياست فلسطين جو ٻه رياستي حل ۽ فلسطيني عوام سان گڏ ٿيندڙ تاريخي نا انصافي جي ازالي طرفان هڪ ٺوس سياسي قدم هوندو . هن چيو ته هن وقت فلسطين ، اسرئيل ۽ خطي ۾ امن لاءِ سفارتڪاري جاري آهي . جيڪڏهن ويٽو پاور استعمال نه ڪيو ويو ۽ سلامتي ڪائونسل طرفان گڏيل قومن ۾ فلسطين جي شموليت جي سفارش ڪئي وئي ته ان ۾ گهڻي تيزي ايندي . سفير گڏيل قومن ۽ عالمي برادري کي اپيل ڪئي ته هو غزه ۾ فوري جنگ بندي لاڳو ڪرائي .
