گڏيل قومون-02 مئي (اي پي پي) گڏيل قومن آفريڪا ۾ ٻوڏ سبب ٿيل جاني نقصان تي گهري ڏک جو اظهار ڪيو آهي. شنهوا مطابق گڏيل قومن جي سربراهه انتونيو گوتريش جي ترجمان اسٽيفن ڊوجارڪ چيو آهي ته گڏيل قومن جي سربراهه آفريڪي ملڪ برونڊي، ڪينيا، صوماليا، تنزانيا ۽ اوڀر آفريڪا جي ٻين حصن ۾ شديد ٻوڏ سبب ٿيل جاني نقصان تي افسوس جو اظهار ڪيو آهي. هن چيو ته گڏيل قومن جي سربراهه متاثر ملڪن ۾ فوت ٿيلن جي وارثن سان تعزيت جو اظهار پڻ ڪيو آهي. هن وڌيڪ چيو ته گڏيل قومون ۽ ان جا شراڪتدار ادارا متاثر ملڪن ۾ انساني ضرورتون پوريون ڪرڻ لاءِ قومي اختيارين سان گڏجي ڪم ڪري رهيا آهن.بيان ۾وڌيڪ چيو ويو آهي ته گڏيل قومن جي سيڪريٽري جنرل ان ڳالهه تي زور ڀريو آهي ته گڏيل قومون هن مشڪل وقت ۾ واڌو امداد جي آڇ لاءِ تيار آهن.
