بيجنگ _25 اپريل (اي پي پي ) چين يورپي يونين تي زور ڏنو آهي ته هو يورپ ۾ پرڏيهي ڪمپنين لاءِ کليل ، منصفاڻو ۽ برابري وارو ماحول فراهم ڪري . چائنا گلوبل ٽيلي ويزن نيٽ ورڪ (سي جي ٽي اين ) جي مطابق يورپي يونين طرفان گذريل ڏينهن تي يورپ ۾ هڪ چيني ڪمپني جي آفيس تي ڇاپو هنيو ۽ سامان ضبط ڪرڻ بعد چيني ڪامرس واري وزارت جي عهديدارن پنهنجي رد عمل جو اظهار ڪندي يورپي يونين کان مطالبو ڪيو ته هو فوري طور تي پنهنجي غلط طريقن کي روڪي ۽ ان کي صحيح ڪري . اها ريمارڪس هٿ ٺوڪي سبسڊي جي معاملي تي پولينڊ ۽ هالينڊ ۾ هڪ چيني ڪمپني جي آفيس جي يورپي يونين جي اوچتو جاچ بعد سامهون آئي آهي . چيني ڪامرس واري وزارت ڪامرس جي عهديدار چيو ته چين يورپي يونين جي ان قدم تي ڳڻتي ۽ سخت مخالفت ڪري ٿو، جنهن مقرر طريقڪار جي خلاف ورزي ڪئي . عام برابري ۾ خلل وڌو ۽ يورپ ۾ ڪم ڪندڙ سمورين ڪمپنين جي اعتماد کي بري طرح ڇنيو رسايو آهي .
