لنڊن – 19 اپريل (اي پي پي) عالمي مارڪيٽ ۾ تيل جي قيمتن ۾ 4 سيڪڙو کان وڌيڪ جو اضافو رڪارڊ ڪيو ويو. برطانوي اداري رائٽرز مطابق جمعي تي اسرائيل طرفان ايران تي حملو ڪرڻ جو اطلاع سامهون اچڻ کانپوءِ عالمي مارڪيٽ ۾ ڪچي تيل جي سپلاءِ ۾ تعطل اچڻ جي خدشن تحت عالمي مارڪيٽ ۾ ڪچي تيل جا اگهه 4.2 سيڪڙو تائين ڪري پيا جڏهن ته بعد ۾ 2.4 سيڪڙو اضافي سان برينٽ آئل 2.63 ڊالر مهانگو ٿي ويو ۽ ان جي نئين قيمت 89.74 ڊالر في بيرل ٿي وئي. جڏهن ته آمريڪي ڪچو تيل ڊبليو ٽي آئي 2.56 ڊالر مهانگو ٿيڻ بعد 84.66 ڊالر في بيرل ٿي ويو. انگن اکرن موجب ايران پيٽروليم جو روانگي واپار ڪندڙ ملڪن جي تنظيم جو ٽيون وڏو تيل پيدا ڪندڙ ملڪ آهي. ٻئي پاسي فاريڪس مارڪيٽ متاثر ٿيڻ سبب بٽ ڪوائن جي ماليت 6.2 گهٽجي 590، 59 ڊالر تي بند ٿي جيڪا ان کان پهرين 842، 61 ڊالر ٿي وئي. عالمي مارڪيٽ ۾ سون جي في اونس قيمت ۾ 1.7 سيڪڙو اضافو ٿيو. سون جا اگهه 2417.59 ڊالر في اونس تي بند ٿيو.
