گڏيل قومون – 09 اپريل (اي پي پي) پاڪستان گڏيل قومن جي سلامتي ڪائونسل تي زور ڏنو آهي ته هو غزه ۾ جنگ بندي جي مطالبي تي ٻڌل پنهنجي قرارداد 2728 تي عملدرآمد يقيني بڻائڻ لاءِ مناسب قدم کڻي. گڏيل قومن ۾ پاڪستان جي مستقل نمائندي منير اڪرم جنرل اسيمبلي کي خطاب ڪندي چيو ته جنهن ته سعودي گادي واري شهر رياض ۾ عرب او آءِ سي سربراهي اجلاس ۾ اتفاق ڪيو ويو هو، 15 رڪني سلامني ڪائونسل اسرائيل کي هٿيارن ۽ گولگ بارود جي برآمد تي فوري پابندي لاڳو ڪري ۽ غزه ۾ فلسطيني شهرين خلاف اسرائيل جي ڏوهه تي ان کي ذميوار قرار ڏئي. 193 رڪني اسيمبلي جي اجلاس فلسطني مسئلي سميت وچين اوڀر جي صورتحال تي ويٽو جي استعمال تي بحث لاءِ منعقد ٿيو. پاڪستاني مندوب فلسطين کي گڏيل قومن جو مڪمل ميمبر بڻائڻ لاءِ پاڪستان جي غير متزلزل حمايت جو ورجاءُ ڪندي چيو ته اهي قدم فلسطين رياست کي هڪ سياسي حقيقت بڻائيندي.
