گڏيل قومون – 05 اپريل (اي پي پي) گڏيل قومن هيٽي ۾ گينگ تشدد جي متاثرن لاءِ 12 ملين آمريڪي ڊالر مخصوص ڪيا آهن. شنهوا مطابق گڏيل قومن جي انساني معاملن بابت آفس (او سي ايچ اي) چيو ته گڏيل قومن جي امدادي سربراهه مارٽن گريفٿس گينگ تشدد سبب متاثر هيٽين جي مدد لاءِ 12 ملين آمريڪي ڊالر جاري ڪيا آهن. ان امداد ذريعي هيٽي جي گادي واري شهر پورٽ اوپرنس ۾ بي گهر ماڻهن ۽ ميزبان ڪميونٽيز کي خوراڪ، پاڻي، تحفظ، صحت جي سار سنڀال ۽ صفائي سٿرائي ۽ صحت جي اصولن ۾ سهڪار فراهم ڪيو ويندو.
