اسلام آباد – 04 اپريل (اي پي پي)پاڪستان ۾ ايران جي سفارتخاني عالمي يوم القدس جي موقعي تي جاري بيان ۾ چيو آهي ته فلسطين اسلامي دنيا جو سڀني کان وڏو ۽ اهم ترين مسئلو آهي، يوم القدس خاص طور تي فلسطين ڪاز لاءِ وقف آهي، اهو ڏينهن دنيا لاءِ هڪ موقعو آهي ته هو خوداراديت جي اصول تي ٻڌل آزاد فلسطين جي قيام لاءِ معاهدي جي تجديد ڪري. سفارتخاني مان جاري بيان ۾ چيو ويو آهي ته رمضان المبارڪ جو آخري جمعو سڄي دنيا جي مسلمانن جي اتحاد جي علامت طور عالمي طور يوم القدس جي نالي سان سڃاتو ويندو آهي. بيان ۾ چيو ويو آهي ته يوم القدس خاص طور تي فلسطين ۽ فلسطيني ڪاز لاءِ وقف آهي پر ان کان اڳتي اهو اسلامي دنيا جي اتحاد ۽ يڪجهتي جي محور طور، قتل ۽ فساد ۽ قبضي جي ظلم خلاف جنگ ۾ مسلمان ملڪن جي بيداري ۽ اتحاد جو ڏينهن آهي. اهو ڏينهن دنيا لاءِ هڪ موقعو آهي ته هو بي گهر فلسطيني قوم تي 70 سال جي ظلم کي ياد ڪري ۽ خوداراديت جي اصول تي ٻڌل آزاد فلسطيني رياست جي قيام جي معاهدي جي تجديد ڪري.
