جده-04 اپريل (اي پي پي ) سعودي هيريٽج اٿارٽي سعودي عرب ۾ 70 نوان تاريخي ماڳ شامل ڪيا آهن . سبق ويب سائٽ موجب نون هنڌن جي اضافي کانپوءِ سعودي عرب ۾ ڪل 8917 تاريخي ماڳ درج ٿي چڪا آهن. اٿارٽي موجب درج ٿيل هنڌ ملڪ جي تاريخي ، ثقافتي ۽ تهذيبي ورثي جي عڪاسي ڪن ٿا اٿارٽي موجب نون درج ٿيل تاريخي ماڳن مان عسير ريجن ۾ 14 هنڌ ، الجوف ۾ 13 ، حائل ۾ 12 ، جازان ۾ 11 ، قصيم ۾ 7 ۽ مدينه منوره ۾ 6 هنڌن کانسواءِ رياض ۾ ٻن هنڌن کي درج ڪيو ويو آهي . اٿارٽي موجب ملڪ جي تاريخي ماڳ جو عمل جاري آهي اٿارٽي شهرين ۽ پرڏيهين کي اپيل ڪئي آهي ته ملڪ ۾ ڪٿي به ڪو تاريخي هنڌ درج ڪرڻ کان رهجي ويو هجي ته ان بابت اطلاع ڏين .
