واشنگٽن-03 اپريل(اي پي پي)آمريڪي پرڏيهي وزير انٽوني بلنڪن چيو آهي ته يوڪرين اڄ نه ته سڀاڻي نيٽو جو ميمبر بڻجي ويندو ان لاءِ هن وقت لائحه عمل تيار ڪرڻ جي ضرورت آهي،ميڊيا رپورٽن موجب فرانس جي دوري تي موجود انٽوني بلنڪن پنهنجي هم منصب سيزورن سان ملاقات کان پوءِ پريس ڪانفرنس دوران چيو ته اتحادي ملڪن اجلاس دوران يوڪرين جو نيٽو جو ميمبر بڻجڻ جو ارادو ظاهر ڪيو هو جڏهن ته هن وقت اسان کي ان لاءِ لائحه عمل تيار ڪرڻ جي ضرورت آهي،هن چيو ته اسان کي يقين آهي ته هڪ گڏيل لائحه عمل تيار ڪندي نيٽو جي 75هين اجلاس دوران يوڪرين جي ميمبر شپ جي حوالي سان ٺوس فيصلا ڪري سگهابا.
