رياض-27 ڊسمبر (اي پي پي) سعودي عرب جي شهري مديني شريف ۾ مخفلف علائقن ۽ شاهراهن تي سائيڪل ٽريڪس ٺاهيا ويا آهن، جن جي مجموعي ڊيگهه 70 ڪلوميٽر آهي. ٽريڪس جو مقصد معاشري ۾ ورزش جي اهميت کي اجاگر ڪندي عوام کي بهتر ماحول فراهم ڪرڻ آهي. اردو نيوز موجب سعودي عرب ۾ مديني ميونسپلٽي چيو آهي ته مختلف ماڳن تي سائيڪل ۽ اي اسڪوٽرز لاءِ ڪريم بائيڪ سروس جا 165 پوائنٽس ٺاهيا ويا آهن جتان سائيڪل ۽ اي اسڪوٽرز حاصل ڪري سائيڪلنگ ڪري سگهجي ٿي.
