نيويارڪ سٽي _13 آڪٽوبر (اي پي پي ) انساني حقن جي عالمي تنظيم هيومن رائٽس واچ (ايڇ آر ڊبليو ) چيو آهي ته اسرائيل طرفان غزه ۽لبنان ۾ فوجي ڪاروائين دوران وائيٽ فاسفورس جو استعمال ڪيو ويو ، جنهن سان شهرين کي صحت جي سنگين ۽ڊگهي مدت جي خطرن کي منهن ڏيڻو پئجي رهيو آهي . برطانوي اخبار مطابق هيومن رائٽس واچ لبنان ۽ غزه ۾ ترتيب وار 10 ۽ 11 آڪٽوبر 2023ع تي ورتل ويڊيوز جي تصديق ڪئي . جنهن ۾ غزه سٽي جي بندگاهه ۽ اسرائلي سرحد سان گڏ لبنان جي 2 ٻهراڙي وارن علائقن تي فائر ڪيا ويا . وائٽ فاسفورس جا ڪيترائي ڌماڪا ڏيکاريا ويا آهن .
