بغداد _ 13 آڪٽوبر (اي پي پي ) ايراني پرڏيهي وزير حسين امير عبد الهيان چيو آهي ته حماس سان جنگ ۾ هڪ نئين محاذ جي کولڻ جو ڌارومڌار غزه ۾ اسرائيلي ڪاروائين تي ٻڌل آهي . فرانسيسي خابرو اداري جي رپورٽ مطابق عراقي وزيراعظم محمد السوداني سان ملاقات دوران ايراني پرڏيهي وزير چيو ته ڪجهه ملڪن جون اختياريون اسان سان رابطو ڪري خطي ۾ اسرائيل خلاف هڪ نئون محاذ کولڻ جي امڪان بابت پڇيو آهي پر اسان کين ٻڌايو آهي ته سڀ ڪجهه غزه ۾ اسرائيلي حڪومت جي قدمن تي ٻڌل آهي . هن وقت به اسرائيل جو ظلم جاري آهي ۽ خطي ۾ ڪو به اسان کان نئين محاذ کولڻ لاءِ اجازت نه گهرندو . ان بعد لبنان جي گادي واري شهر بيروت جي هوائي اڏي تي صحافين سان ڳالهائيندي ايراني پرڏيهي وزير چيو ته غزه ۾ اسرائيلي جارحيت ۾ اضافي جي صورت ۾ ايران جا علائقائي اتحادي جواب ڏئي سگهن ٿا .
