خرطوم -02 آڪٽوبر (اي پي پي)سوڊان جي فوج جي ڪمانڊر ۽ خودمختيار ڪائونسل جي سربراهه عبدالفتاح البرهان ان ڳالهه تي زور ڀريو آهي، ته امن کي ڪنهن به ريت رد نٿو ڪري سگهجي، پر اهو امن اهڙو هئڻ گهرجي جيڪو ملڪي وقار ۽ خودمختياري کي محفوظ رکي. سعودي عرب جي خابرو اداري مطابق هن ملڪ ۾ جاري جنگ رياستي ڍانچي کي متاثر ڪندڙ ڪينسر قرار ڏيندي چيو ته اها جنگ ختم ڪرڻ لاءِ پرعزم آهيون. هن ريپڊ سپورٽ فورسز طرفان اشارو ڪندي چيو ته اها جنگ اسان تي مڙهي وئي آهي ۽ هڪ گروهه سوڊان کي ڳڙڪائڻ چاهي ٿو. عبدالفتاح البرهان چيو ته اسان پنهنجي هٿياربند فوج ۽ عوام جي مدد سان ان جنگ ۾ فتح تي يقين رکون ٿا، هي فوج ملڪ جي فوج آهي ۽ ان تي ڪنهن به پارٽي جي گروپ جي هڪ هٽي واضح ناهي. واضح رهي ته سوڊان جي هٿياربند فوج ۽ ريپڊ سپورٽ فورسز وچ ۾ 15 اپريل کان ڇڪتاڻ شروع ٿي هئي.
