مڪه مڪرمه -02 آڪٽوبر (اي پي پي) سعودي عرب ۾ اسڪان الحجاج ڪميٽي مڪي پاڪ ۾ ايندڙ سال 2024ع ۾ پرڏيهي حاجين جي رهائش لاءِ عمارتن جي پرمٽ لاءِ درخواستون وصول ڪرڻ شروع ڪيون آهن. عرب نيوز مطابق سعودي حڪومت حاجين کي پنهنجي عمارتن ۾ رهائش فراهم ڪرڻ جي خواهشمند مالڪن کان هر سال درخواستون وصول ڪندي آهي، ان مقصد لاءِ هڪ ڪميٽي مقرر آهي جنهن کي اسڪان الحجاج ڪميٽي نالو ڏنو ويو آهي. مڪي مڪرمه ميونسپالٽي چيو آهي، ته هن سال حاجين جي رهائش لاءِ امڪاني عمارتن جي پرمٽ جون درخواستون انجنيئر ڪنسلٽنسيز ذريعي وصول ڪيون وينديون. اسڪان الحجاج ڪميٽي عمارتن جي مالڪن ۽ کين ٺيڪن تي حاصل ڪندڙن کي چيو آهي، ته اهي پرمٽ حاصل ڪرڻ لاءِ انجنيئرنگ ڪنسلٽنسي ۾ درخواستون جمع ڪرائين.
