نئين دهلي-27 سيپٽمبر (اي پي پي) انساني حقن جي عالمي تنظيم ايمنسٽي انٽرنيشنل چيو آهي ته ڀارت سماجي گروپن ۽ ناقدين کي دٻائڻ لاءِ مني لانڊرنگ جي عالمي قانونن کي ذريعن طور استعمال ڪري رهيو آهي، فرانس جي خابرو اداري موجب ايمنسٽي انٽرنيشنل انڊيا جي چيئرمين آڪر پٽيل ميڊيا کي ٻڌايو ته ڀارت مني لانڊرنگ ۽ دهشتگردي جي مالي مدد تي نظر رکڻ واري عالمي اداري فنانشل ايڪشن ٽاسڪ فورس (فيٽف) جي سفارشن جو غلط استعمال ڪندي غير منافعي بخش سيڪٽر کي دٻائڻ لاءِ ڊريڪونين قانونن جوڙڻ وڃي رهيو آهي ۽ تنظيمن جي فنڊنگ روڪي پئي وڃي، هن ٻڌايو ته سماجي تنظيمن ۽ ميڊيا جا ادارا وڏي عرصي کان وزيراعظم نريندر مودي جي حڪومت طرفان هراساني جي شڪايت ڪري رهيا آهن تنهن هوندي به ڀارتيه جنتا پارٽي انهن الزامن جي ترديد ڪندي آئي آهي، هن چيو ته دهشتگردي جي مقابلي جي آڙ ۾ ڀارتي حڪومت فيٽف جي سفارشن جو فائدو کڻندي ناقدين کي نشانو بڻايو ۽ انهن جي آواز کي دٻايو. واضح رهي ته ڀارت 39 ملڪن جي تنظيم فيٽف جو 2010ع کان ميمبر آهي، هي تنظيم عالمي سطح تي مني لانڊرنگ ۽ دهشتگردن جي مالي مدد جي روڪٿام لاءِ قدم کڻندي آهي.
