ويانا -26 سيپٽمبر (اي پي پي) سعودي عرب جي توانائي واري وزير شهزاده عبدالعزيز بن سلمان چيو آهي، ته ايٽمي توانائي پروگرام کي جامع عالمي حفاظتي فريم ورڪ ۾ شامل ڪنداسين. ايٽمي توانائي جي قومي پاليسي جا پابند آهيون ۽ رهنداسين. عرب نيوز مطابق شهزاده عبدالعزيز بن سلمان گذريل ڏينهن ويانا ۾ ٿيل ايٽمي توانائي جي جنرل ڪانگريس جي 67هين سيشن جي اجلاس کي خطاب ڪندي چيو هو ته سعودي عرب پنهنجي ايٽمي توانائي پروگرام کي هڪ جامع عالمي حفاظتي فريم ورڪ م شامل ڪندو. هن چيو ته سعودي عرب ان ڳالهه تي يقين رکي ٿو ته ايٽمي توانائي مان سماجي ۽ معاشي فائدا حاصل ٿيندا آهن. مختلف شعبن ۾ ايٽمي توانائي جي پرامن استعمال کي يقيني بڻائڻ لاءِ ڪوشان آهيون.
