رياض -25 سيپٽمبر (اي پي پي) سعودي تاريخ ۾ پهريون ڀيرو سينيما ايونٽ منعقد ڪيو پيو وڃي، جنهن جي شروعات پهرين آڪٽوبر کان ٿيندي. رياض م سعودي فلم فورم جي عنوان سان ان تقريب ۾ 100 جي لڳ ڀڳ ماڻهو شريڪ ٿيندا. 4 آڪٽوبر تائين جاري رهندڙ ان تقريب ۾ 50 اهم مقررين خطاب ڪندا. سعودي خابرو اداري مطابق ملڪ ۾ ان نوعيت جي پهرين تقريب جو اهو پهريون سيشن هوندو. ان جو بندوبست فلم انڊسٽري کي سعودي معيسٽ ۾ اهم شرڪتدار ۾ تبديل ڪرڻ جي مقصد سان ڪيو پيو وڃي. ان تقريب ۾ فلم انڊسٽري ۾ سيڙپڪاري جا موقعا ۽ سهڪار کي وڌائي، تجربن جي مٽاسٽا ذريعي، جٽادار ۽ تجديد ٿيل اقتصادي ترقي کي حاصل ڪرڻ کي ممڪن بڻائي سگهبو. اها تقريب رياض جي بليوارڊ سٽي ايگزيبيشن هال ۾ منعقد ڪئي پئي وڃي. سعودي عرب ۾ فلم سازي جي حقيقت ۽ مستقبل جو جائزو وٺڻ لاءِ مشهور فلمساز، پروڊيوسر، هدايتڪار، سيڙپڪار ۽ عالمي ميڊيا جا ماڻهو تقريب ۾ شرڪت ڪندا.
