رياض_دبئي_20 سيپٽمبر(اي پي پي) سعودي عرب، گڏيل عرب امارتن، مصر ،يمن ۽ اردن يهودي انتها پسندن جي مسجد اقصيٰ تي حملي جي مذمت ڪئي آهي، ميڊيا رپورٽن موجب گڏيل عرب امارتن جي پرڏيهي وزارت جاري ڪيل بيان ۾ چيو آهي ته ولاريل بيت المقدس ۾ مقد س جاين کي مڪمل تحفظ فراهم ڪيو وڃي، گڏيل عرب امارتن ولاريل بيت المقدس م ٿيندڙ سنگين خلاف ورزين کي روڪڻ جو مطالبو ڪيو آهي، اماراتي پرڏيهي وزارت اسرائيلي عملدارن تي زور ڀريو آهي ته اهي ڇڪتاڻ کي روڪن ۽ خطي ۾ عدم استحڪام کي اڳيان وڌائڻ کان پاسو ڪن، هوڏانهن سعودي عرب، مصر، يمن ۽ اردن پڻ انتها پسند يهودين جي مسجد اقصي جي احاطي ۾ در اندازي جي شديد لفظن ۾ مذمت ڪئي آهي.