بغداد -12 سيپٽمبر (اي پي پي) عراق الفا بندرگاه کان سعودي عرب تائين ريلوي لائين وڇائڻ جي منصوبي جو اعلان ڪيو آهي. عراق جي ٽرانسپورٽ واري وزارت جي ميڊيا ڊائريڪٽر ميثم عبدالصافي ٻڌايو ته عراق هڪ ريلوي نيٽ ورڪ وڇائڻ جو منصوبو ٺاهي رهيو آهي جيڪو الفا جي وڏي ڏاکڻي بندرگاهه کي سعودي عرب سان ملائڻ جو ذريعو ثابت ٿيندو. هي منصوبو 17 ارب ڊالرن جي منصوبي جو حصو هوندو جنهن کي”شاهراه ترقي“ سڏيو وڃي ٿو. هن مطابق ”شاهراه ترقي“ ۾ 1200 ڪلوميٽر ڊگهي ريلوي لائين ۽ بندرگاه کي ترڪيه سان گڏ اتر سرحد تائين هڪ هاءِ وي جي تعمير شامل آهي.
